<--Matariki: Te noho tahi me Tākuta Rangi Matamua
Ehara i te mea ka whakanuia a Matariki e ngā iwi me ngā hapū katoa i Aotearoa nei. Kei ētahi wāhi i Te Taitokerau, Te Tai Hau-ā-uru, Te Waipounamu, Rēkohu/Wharekauri anō hoki, ko Puanga/Puaka kē hei tohu mō te tau hōu. Ki ētahi atu iwi ko Atutahi, ko Rehua rānei ngā whetū e tohu ana i te tau hōu. Kāore pea a Matariki e tino kitea ana i ēnei wāhi.
Rigel nā Haktarfone (CC BY-SA 3.0)
Ka ara ake a Puanga i te rāwhiti, i te atapō, i waenganui i ngā marama o Haratua me Pipiri. He tohu hoki e pōwhiri atu ana i a Hinetakirua, arā i te Hōtoke. Kei raro a Tautoru i a ia. Ki ētahi he pae manu a Tautoru e noho rā tētahi manu e kai ana i te hua, i te puāwai rānei, ā, ko taua hua rā ko Puanga.
Te Mātahi o te Tau ©Living by the Stars
He nui ngā kōrero tuku iho mō Puanga engari he āhua ōrite ngā whakahaere a ngā iwi i te wā o Puanga ki tērā i te wā o Matariki.
Rerenga kōrero
| Puanga/Puaka | Te whetū Rigel |
| Rēkohu/Wharekauri | Chatham Islands |
| Atutahi | Te whetū Canopus |
| Rehua | Antares |
