fbpx Te Rā Whakanui i a Matariki | LEARNZ

Te Rā Whakanui i a Matariki

<--Matariki: Te noho tahi me Tākuta Rangi Matamua


Ko te 2022 te tau tū ai te rā hararei ōkawa tuatahi hei whakanui i a Matariki ki Aotearoa nei. Koinei te rā whakatā tuatahi e whakanui ana i ngā tikanga tāukiuki o te iwi taketake o Aotearoa. Ka mau kē te wehi!

Matariki at dawn ©Living by the Stars
Matariki at dawn ©Living by the Stars

I te tekau tau 1990 i tīmata ai te whakarauoratanga o ngā tikanga whakanui i a Matariki. I te tau 2009 i tonoa e te Pāti Māori kia whakatūria tētahi rā whakatā mō Matariki engari auare ake.

I te tau 2011 i whakaaetia e te Pāti Nāhinara me te Pāti Māori kia whakarite pire e whakamānawa ana i te ahurea Māori. I te tau 2020 i whakapāohotia e te Pirīmia e Jacinda Ardern o te Pāti Reipa ka tū te rā Matariki ā te tau 2022.

Whakamanatia a Matariki

He kōrero mō ngā tōmina tangata e tuku atu ai ki a Hiwa-i-te-rangi:

Nā reira kua roa tēnei kaupapa e wānangatia ana hei kaupapa whakamānawa i te tuakiritanga, te ahurea, te motuhaketanga, me te kotahitanga o Aotearoa whānui. I roto i ngā tau i pupū ake ai te whakaaro nui o te ngākau o te tangata, Māori mai, Tauiwi mai ki tēnei kaupapa nui whakaharahara.

Ā mohoa nei ko ngā rā hararei ōkawa i Aotearoa e whai kē ana i ngā tikanga o iwi kē o te ao. Ko Matariki he hararei tikanga Māori tūturu. Me whakatā ka tika! Whakanuia a Matariki mā te whakarite wā whakawhanaungatanga, wānanga, manaakitanga, kia pērā i te wā o te tau hōu Pākehā o te Kirihimete rānei.

Mō Hiwa-i-te-rangi

Ka whakamāramahia e Tākuta Rangi Matamua ngā āhuatanga o te tuku i ngā wawata kia Hiwa:

Matariki–Ko ngā whakaaro o ngā tamariki

Ka whakapuaki ētahi taitamariki/taiohi i ō rātou whakaaro mō Matariki:

Ka pēhea tō whakamānawa i te rā o Matariki?

He patapatai

Rerenga kōrero

Hararei He rā whakatā
Ōkawa tōtika
Whakarauora whakaora
Pāti Māori The Māori Party
Pāti Reipa The Labour Party
Pāti Nāhinara The National Party
Pire Bill - he tono hei whakaarotanga mā te paremata kia whakaturengia
Pirimia Prime Minister - te ūpoko o te kāwanatanga
Whakamānawa Whakahōnore
Tuku ihotanga He mea tuku iho
Whakapaohoitia Pānuitia
Tuakiritanga Te āhuatanga ake o te tangata
Ahurea Ngā tikanga ā-iwi
Motuhaketanga Rangitiratanga
Māori mai, Tauiwi mai Ahakoa he Māori rānei, he tauiwi rānei
Whakaharahara Whakahirahira