Rāhina
1. He kōrero ki te Whare taonga o Kōrorareka
I kōrero tahi māua ko Matua Kipa Munro he mātanga tiaki taiao ia ā he mātanga mātauranga māori hoki. I miharo katoa au ki te whakarongo ki ōna kōrero!
2. Te taki karakia i mua i te haere ki runga te waka
I mua te wehenga atu ki te haerenga ko tētahi tikanga ko te karakia kia pai te haere ki runga te moana
3. Ki runga te waka
Kia hora te marino, kia whakapapa pounamu te moana, kia tere te kārohirohi i mua i tō huarahi.!
4. Motuarohia
I tū tō mātou waka ki te whakarongo ki ngā kōrero mō Motuarohia. I tae tuatahi mai a Kāpene Kuki i ta pikitia a Parkinson tētahi o ngā ringatoi ki runga i tōna waka
5. Rangiatea
I miharao katoa au ki ako te ingoa o tēnei motu i te mea i ahu mai tēnei ingoa a Ra’iatea i reira te marae Taputapuatea i ahu mai te tohunga Tupaia na taua wāhi. Kare he kore i tumeke katoa ngā tīpuna i te taenga mai a Tupaia ki te Pewhairangi
6. I tae mātou ki Moturua!
7. Te keri ki Moturua
Ko tā ngā kaimātai whaipara tangata mahi ko te mātai i ngā taunakitanga e pā ana ki te hītori o te tangata, ā, i te nuinga o te wā ka kitea aua taunakitanga ki roto tonu i te whenua. E kitea ana i Mangahāwea he taunakitanga o ngā rua hāngī, ngā rua kūmara me ngā māra taro, ngā rua pātaka, te mātaitai me te ika, ngā wheua o te kēkeno me te moa tae atu ki ngā matau me ngā taputapu kua hangaia ki te anga me te tūhua.
8. Te Hangi
No te wā o ngā mātua tīpuna tēnei hangi e ai ki te rangahau he 4 mīta tana rāhi he 5 mīta te roa. He nui!!! I pupu ake te hiakai mō te kai hangi!
9. Taro
No Te Kuki Airani tōku Papa nā reira i miharo āku tāringa ki te ako i tō mai ngā tīpuna te taro ki tēnei maara i tua atu ngā tau rautau e rua ki muri. I au e tamariki ana ki te Kuki Airani ko te taro tētahi o ngā tino kai ki tō mātou nei kainga
10. Te hoki ki te kainga
Kua kii taku kete me te mātauranga a ka hoki ki te kainga
:
