fbpx Ngā Rātaka Toru | LEARNZ

Ngā Rātaka Toru

Rā: Rātapa, Mahuru 11, 2019
Haerenga: Raranga Tuku Iho, Tohatoha Whiwhi Ōrite
Wahi: Te Pēwhairangi
Ngā huarere: He rā paki
Kei hea: Kororāreka

Kia ora koutou

He pukumahi heoi anoo he rangi paki. I pūta atu mātou i ngā rūma ki te tātahi whakatō patiti ai.

Te Whare Taonga o Kororāreka

I noho tahi mātou me Te Kura o Waikare rātou ko Russel school ki te whakarongo ki a Ria no ‘Project Island Bird Song’. Kei ia ētahi kōrero mō te ahua o te kanorau koiora ki te takiwā whānui o Te Pēwhairangi.

Te whakatō patiti ki Tapeka

I whakaako Ria nō Project Bird song i a mātou ki te whakatō oioi ki te ōnepu ki Tapeka. Me whakatō te oioi ki te tihi o te tāhuahua kō ērā atu pērā i te kowhangatara me hoātu ki te rōnaki o te ōnepu. He oranga mō te taiao mēnā ka hoatu te momo patiti ki tōnā wāhi tika. Nā ēnei mahi ka pakari te ōnepu kia kaua te whenua e horo na kaha o te tai me te hau.

He karakia, he waiata

I oti pai tō mātou haerenga ki Ipipiri na te karakia i waiatatia ngā tauira o Te Kura o Waikare me Russell School. Ka mau te wehi.

 

I matakitaki mātou i tē pakiwaituhi pahekoheko me ana kōrero e hangi ana ki te hitori o te ahua o kanorau koiora ki Ipipiri. Whakaahua: Pikihuia Little, LEARNZ.

Kei te whakaako a Ria no Project Island Bird song i a mātou te whakatō patiti. Whakaahua: Andrew Penny, LEARNZ.

Kare he kore he kaupapa whāomoomo tiaki taiao ki to rohe kia kaha e hoa ki te hapai te mahi. Whakaahua: Teanau Tuiono, LEARNZ.

I tau te horo ōnepu na tēnei kaupapa whāomoomo tāhuahua. Ka mau te wehi e hoa mā!  Whakaahua: Andrew Penny, LEARNZ.

Kei te whakatō ngā oioi ki te tihi o te tāhuahua kia kaua te onepu e horo. Whakaahua: Teanau Tuiono, LEARNZ.

Ngā mihi ngā kura o Waire me Russell school i oti pai tō tātou kaupapa. Whakaahua: Teanau Tuiono, LEARNZ.